• Hagtíðindi
• 28. mars 2011
• ISSN: 1670-4584


• Skoða PDF

Seldar gistinætur voru tæpar 3 milljónir árið 2010, en það er svipaður fjöldi og árið 2009. Gistinætur erlendra ríkisborgara voru 71,2% og sem fyrr keyptu Þjóðverjar flestar gistinætur, þá Bretar og síðan Frakkar. Flestar gistinætur voru á hótelum og gistiheimilum og fjölgaði hlutfallslega mest á höfuðborgarsvæðinu og Norðurlandi vestra. Á Suðurlandi fækkaði gistinóttum mest á milli ára eða um rúm 12%. Þó að sala gistinátta á Suðurlandi hafi dregist saman í fyrra sökum eldgossins í Eyjafjallajökli var hún eigi að síður 7% meiri en árið 2008.