Heildartekjur af þjónustuútflutningi á þriðja ársfjórðungi 2019 voru, samkvæmt bráðabirgðatölum 222,6 milljarðar króna. Heildarútgjöld vegna innfluttrar þjónustu voru 121,3 milljarðar króna. Þjónustujöfnuður við útlönd var því jákvæður um 101,3 milljarða króna á þriðja ársfjórðungi en var jákvæður um 123,4 milljarða króna á sama tíma árið áður, á gengi hvors árs fyrir sig.
Útflutningstekjur af ferðaþjónustu og samgöngum lækka á milli ára
Á þriðja ársfjórðungi 2019 var verðmæti þjónustuútflutnings 26,0 milljörðum króna lægri en á sama tíma árið áður eða 10,4% á gengi hvors árs fyrir sig. Útflutningstekjur af ferðaþjónustu lækka milli ára um 4,6 milljarða króna eða 3,7% á gengi hvors árs fyrir sig. Tekjur af samgöngum og flutningum lækka einnig á sama tíma um 21,7% eða 18,3 milljarða króna á gengi hvors árs fyrir sig. Vegur þar þyngst samdráttur í tekjum af farþegaflutningum með flugi.
Verðmæti þjónustuútflutnings til Evrópu nam 112,1 milljarði króna eða 50,3% af heildarverðmæti þjónustuútflutnings á þriðja ársfjórðungi 2019. Þar af var þjónustuútflutningur til Bretlands 23,6 milljarðar króna eða 10,6% af heildarverðmæti. Á sama tíma nam verðmæti þjónustuútflutnings til Bandaríkjanna 67,8 milljörðum króna eða 30,5% af heildarþjónustuútflutningi. Nánari upplýsingar má finna í töflunni, Þjónustuviðskipti við útlönd eftir löndum og ársfjórðungum 2019, sem finna má á vef Hagstofunnar.
Verðmæti þjónustuinnflutnings lækkar á milli ára
Á þriðja ársfjórðungi 2019 var verðmæti þjónustuinnflutnings 3,9 milljörðum króna lægra en sama tíma árið áður, eða 3,1% á gengi hvors árs fyrir sig. Útgjöld vegna innfluttrar ferðaþjónustu námu 54,0 milljörðum króna og standa nánast í stað frá sama tíma árið áður.
Verðmæti þjónustuinnflutnings frá Evrópu á þriðja ársfjórðungi 2019 nam 96,6 milljörðum króna eða 79,7% af heildarverðmæti þjónustuinnflutnings. Þar af var þjónustuinnflutningur frá Bretlandi 17,0 milljarðar króna eða 14,0% af heildar innflutningi. Fyrir sama tímabil nam verðmæti þjónustuinnflutnings frá Bandaríkjunum 16,4 milljörðum króna eða 13,6% af heildarverðmæti innflutnings.
Mánaðarlegur þjónustujöfnuður
Samhliða ársfjórðungsútgáfu á þjónustujöfnuði uppfærir Hagstofan gögn um mánaðarlegan þjónustujöfnuð fyrir þriðja ársfjórðung 2019.
Útflutt þjónusta var áætluð 63,1 milljarður króna í september 2019 og innflutt þjónusta var áætluð 39,7 milljarðar króna. Þjónustujöfnuður var því áætlaður jákvæður um 6,8 milljarða króna í september 2019.
Verðmæti útflutnings og innflutnings á þjónustu 2018 og 2019 | |||||
Milljónir króna á gengi hvors árs | Breytingar frá fyrra ári á gengi hvors árs, % 1.-3. ársfjórðungur | ||||
3.ársfjórðungur | 1. -3. ársfjórðungur | ||||
2018 | 2019 | 2018 | 2019 | ||
Útflutt þjónusta | 248.519,4 | 222.567,4 | 549.880,6 | 520.358,2 | -5,4 |
Samgöngur og flutningar | 84.174,8 | 65.872,8 | 188.152,1 | 155.335,6 | -17,4 |
Ferðalög | 124.985,3 | 120.380,6 | 269.145,5 | 269.350,6 | 0,1 |
Önnur viðskiptaþjónusta | 10.266,6 | 13.783,0 | 23.105,3 | 32.440,1 | 40,4 |
Aðrir þjónustuliðir | 29.092,7 | 22.531,0 | 69.477,7 | 63.231,9 | -9,0 |
Innflutt þjónusta | 125.117,0 | 121.250,3 | 339.314,5 | 338.068,8 | -0,4 |
Samgöngur og flutningar | 21.509,7 | 23.958,9 | 58.632,8 | 63.979,8 | 9,1 |
Ferðalög | 54.478,2 | 54.016,1 | 145.044,0 | 148.797,1 | 2,6 |
Önnur viðskiptaþjónusta | 25.511,1 | 16.802,0 | 66.603,6 | 46.792,8 | -29,7 |
Aðrir þjónustuliðir | 23.618,0 | 26.473,2 | 69.034,0 | 78.499,2 | 13,7 |
Þjónustujöfnuður | 123.402,4 | 101.317,1 | 210.566,1 | 182.289,4 |